Fotogallerie/Lieder/Sprüche

Wald begrüssen

Guete morge liebe Wald, jetzt chömed mir bald

zu dir chömed mir (2x)

Guete morge liebe Bäum, wached uf us eune Träum

zu eui chömed mir (2x)

Guete morge liebi Tier, bi eui si das wänd mir

zu eui chömed mir (2x)

Wänns Hudlet

hüt hudlets dusse und isch chalt,

doch mir gönd einewäg in Wald.

Mir sind halt bsunders zwägi Lüüt

eus macht so Huddelwätter nüüt

 

Fingervers Regen

Die füf Finger a minere Hand, gö i d`Waldspielgruppe mitenand.

Dä leit d`Rägejagge a, mit där gäle Kaputze dra.

Dä rüeft en Schnägg, en Schnägg, chömed cho luege, schüsch chrücht er wäg!

Dä freut sich am glänzige Stei, am liebste nämt er grad alli hei

Dä Vierti, dä freut sich dadra, dass de Wald wieder emol z`Drinke(Räge) viel Liecht(Sunne) dörf ha

Dä Chlinschti, dä gumped ine grossi Pfütze und tuet debie grad alli aasprütze.

Händ wäsche

Händli wäsche, Händli wäsche

chömed gschwind... alli Chind

es git bald Z`Vieri es git bald Z`Vieri

chömed gschwind alli Chind...

Händli müänd doch suber sii... für alli gross und chli.

Mittags Lied

Brumm Brumm Brumm

Brumm Brumm Brumm

los was chönt das sie.....

Brumm Brumm Brumm

Brumm Brumm Brumm

chunt ächt en Bär verbi?

Nei, das cha nid stimme,

das Brume isch da dinne,

fascht hät i s vergässe,

S`isch Zyt zum Znacht ässe.

 

Abschied

Adieu, adieu du liebe Wald

Du häsch euis spile laa

Doch jetzt isch Ziit zum Heime gaa

Mir wärded wieder cho

Adieu, adieu, adieu du liebe Wald

Adieu, adieu, adieu ihr liebe Chind

Bewegungs-Wärme-Lied

Das isch de Zwärg Zipfelmütze mit siner lange Nasespitze mit em Bärtli wiiss wie Schnee dä cha gumpe hei ju hee dä cha gumpe hei ju he

Copyright @ All Rights Reserved